АҚШнинг Вашингтон штати Сиэтл шаҳрида тўрт ёшли бола уйидан ўқланган тўппонча топиб олиб, ҳомиладор онасининг юзига билмасдан ўқ узган. Аёл тирик қолган. Лекин оғир жароҳат олгани сабаб, касалхонага олиб кетилган. Бу ҳақда «РИА Новости» хабар қилди.
Воқеа 2 февраль куни маҳаллий вақт билан соат тахминан 5 ларда содир бўлган. Боланинг отаси ҳам, онаси ҳам уйда бўлган. Бола каравот тагидан ўқланган тўппончани топиб олган. Кейин онасига қарата ўқ узган. Бу вақтда отаси ҳам аёлнинг ёнида бўлган.
«Тўппонча яшириб қўйилмаган. Шунчаки каравотнинг тагида ётган бўлган. Унинг устига ўқланган ҳам эди», — дейди полиция ходими Райана Эббота.
Аёл дастлаб Ҳарборвю касалхонасига оғир аҳволда келтирилган. Хабарга кўра, ҳозирда аёлнинг аҳволи қониқарли.
Ўтган йили ноябрь ойида Вашингтонда 1639-сонли ташаббус қабул қилинган эди. Унга кўра, қурол эгаси қуролни нотўғри сақлашда ёки ёш боланинг қўлига тушиб қолганда жиноий жавобгарликка тортилади.