2003 йилнинг 11 ноябрида Қорақалпоғистон вилоятининг Қўнғирот туманида дунёга келган ёлғиз ўғил фарзанд Сапарбой ака оиласига чексиз қувонч олиб келган эди. Бугун эса бутун оила мана тўрт ойдирки, тўшакда ҳаётга умид билан мўлтираб турган қора кўзнинг дарди билан курашади.
Онаси 42 ёшли Байрамгул опанинг айтишича, 2018 йилнинг май ойининг ўрталарида фарзанди Арманжон велосипедда кетаётганида йиқилиб, бу ҳодисадан қаттиқ қўрқиб кетди. Ҳодиса оқибатида унинг бел-умуртқаси синиши натижасида июнь ойига келиб юролмай қолган. Шундан сўнг соғлиғи кундан кунга ёмонлашиб борган.
Такрор ва такрор текширувлар натижасида болага жорий 2018 йилнинг 17 августида пойтахтдаги Гематология марказида оққон касалигининг ўткир лимфобластли лейкоз, 1-фаол даври ташхиси қўйилган.
Дастлабки 10 кунлик даво муоложаларини Нукусдаги Гематология шифохонасида олгач, ахволи ижобий томонга ўзгариши сезилмагач, шу йилнинг август ойидаёқ Тошкент шаҳридаги Гематология ва қон қуйиш институти шифохонасига олиб боришган.
Бу ерда болага тўрт ой мобайнида икки марта марта кимётерапия муолажалари ўтказилган.
Навбатда асосий курслардан иккитаси, сўнгра қўшимча қўллаб-қувватловчининг 9 та курси турибди.
«Лейкозга чалингандан кейин дориларни жуда қимматлиги сабаб банкдан 17 миллион сўм миқдорида кредит олиб, 1-курсини дориларини олишга, муолажаларига сарфладик. Ҳозирга келиб ҳеч вақоимиз қолмади ҳисоб. Қарзларимиз кўпайиб кетган.
Тошкентга келганимиздан бери фарзандим Арманжонни турмуш ўртоғим билан пиёда кўтариб шифохонага олиб бориб келмоқдамиз. Ҳафтасига миллионлаб маблағ кетмоқда. Моддий томондан жуда қийналиб қолдик. Лекин даволаниш курслари муолажалари ҳали кўп давом этаркан. Бизга ёрдам жуда зарур. Имкони бор саховатпеша юртдошларимиздан имкон қадар холис моддий ёрдам беришларини илтимос қилиб қоламан», — дейди онаси Байрамгул опа.
Айни кунларда она-бола пойтахтда. Ҳозир кўшимча курсдан олдинги 2- курсда. Онанинг айтишича, айни пайтда фарзанди Тошкент шаҳридаги Гематология бўлимига қатнаб даволаниш муолажаларини олиб келяпти.
Байрамгул опа ўғлининг даволаниш харажатларидан ташқари ҳар ой ижара учун 150 АҚШ доллари тўламоқда. Ижара тўловини тўлашга ҳам имкониятлари етмай қолган.
Шифокорлар Арманжонни яна икки ярим йил давомида даволаниши зарурлигини маълум қилган. Бунинг учун эса катта маблағ талаб этилади.
Азиз, саховатпеша юртдошлар! Келинг, Арманжонга ёрдам қўлини чўзайлик. Қалби меҳрга тўла бу инсонларга далда бўлайлик. Қўлимиздан келгунча, имкониятимиз етгунича оилага холис моддий ёрдам қилиб, дуода бўлайлик.
Хайрия қилмоқчи бўлганлар учун керакли малумотлар:
Пластик карта орқали (Click, Payme )
Онаси Байрамгул Жикинбаева номига очилган.
Халқ банки: 8600 0604 6798 3616
Хориждан банкдан маблағ юбормоқчи бўлганлар учун онасини паспорт маълумотлари:
Жикинбаева Байрамгул Толендиевна
Паспорт рақами: КА0290200
Онаси Байрамгул опанинг телефон рақами:
+99899 959 73 90.
Telegram: +99897 358 31 74
Изоҳ (0)