Бугун,

  • USD 11095.31
  • RUB 173.84
  • EUR 10772.44

5 январь куни Ўзбекистон 100 дан ортиқ мамлакатлар учун визалар бекор қилиниши ва виза режими соддалаштирилиши, туризм соҳасидаги инвесторлар учун мисли кўрилмаган имтиёзлар ҳақида маълум қилиб, қолган дунё учун катта очиқлик сари улкан режалари ҳақида эълон қилди, деб ёзади «Газета.uz». Аммо 6 январь куни тизим хорижлик сайёҳлар ва инвесторлар ишончини қозониш учун вақт ва анча меҳнат талаб қилинишини кўрсатди.

Фото: «Газета.uz»

Фото: «Газета.uz»

Mirzo Ulugbek Innovation Center бизнесни ривожлантириш бўйича собиқ директор ўринбосари, тадбиркор Баҳодир Аюпов нашрга маълум қилишича, Ўзбекистонга туристлар ва потенциал инвесторлар гуруҳи таркибида келган ёш эр-хотин — Германия ва Италия фуқаролари электрон визани олишда йўл қўйилган эътиборсизлик ва уларга ёрдам қилишни истамаслик туфайли Тошкентдан учиб кета олмади.

Туристлар гуруҳи орасида Ўзбекистонга 30 миллион доллар инвестиция киритиш истагидаги тадбиркор, унинг қизи ва куёви ҳам бўлган.

Аммо улар 5 январь куни Тошкентга етиб келгач, муаммолар бошланган. Меҳмонхонада эр-хотинга визалари муддати 4 ва 5 январда тугаганини маълум қилишган.

Улар аввалроқ электрон виза учун ариза бериб, Ўзбекистонда бўлиш саналарини аниқ кўрсатган: 2018 йил 28 декабрдан 2019 йил 6 январгача. Тизим эса уларга роппа-роса 90 кунга виза берган — 6 октябрдан (ариза берилган кундан бошлаб) 4 ва 5 январгача.

Тизим ишлаб чиқувчилари Ўзбекистонда бўлиш даврига тўғри келмайдиган давр учун виза беришдан автоматик ҳимояни кўзда тутиши керак эди, дейилади хабарда.

Қизнинг отаси — потенциал инвестор танишларини ишга солиб, вазиятни ҳал қилишга уринган, аммо Ташқи ишлар ва Ички ишлар вазирликларига мурожаат орқали ҳам масала ечилмаган. Инвестор эса ҳомиладор қизи қийин вазиятга тушиб қолганидан ғазабланиб, бу мамлакатга бошқа қадам босмаслигини, қолган танишларини ҳам бу ҳақда огоҳлантиришини айтган.

Эр-хотин туристнинг нафақат Олмаотагача, балки ундан Нью-Йорккача бўлган чипталари ҳам куйиб кетган. Энди уларнинг ОВИРга бориши, у ерда қоидабузарлик ҳақида баённома тузилиб, ҳужжатлари судга берилиши, суд кўриб чиқиб жарима белгилаши кутилмоқда. Шундан кейин улар янги виза учун бож тўлаб, ИИБга мурожаат қилади ва чиқиш визасини олади.

Изоҳ
Асосий янгиликлар
Молия
Ўзбекистондаги энг фаол банклар рейтинги янгиланди. Нималар ўзгарди?
Маҳаллий
Давлетмурат Тажимуратов 16 йилга қамалди, журналист Лолагул Қаллиханова суд залидан озод қилинди 
Спорт
Фигурали учиш бўйича Ўзбекистоннинг 10 карра чемпиони Татьяна Малининанинг 18 ёшли ўғли АҚШ чемпионига айланди