Бугун,

  • USD 11095.31
  • RUB 173.84
  • EUR 10772.44

«Ўзбекэнерго»АЖ бошқаруви раиси Улуғбек Мустафоев ҳамда Россиянинг «Силовие машини» ОАЖ компанияси бош директори Тимур Липанов бошчилигидаги делегация ўртасида учрашув бўлиб ўтди.

Маълумки, Президентимизнинг 2017 йил 29 декабрдаги «Сирдарё иссиқлик электр станциясида энергоблокларни босқичма-босқич модернизация қилиш чора-тадбирлари тўғрисида»ги Фармойиши ҳамда Вазирлар Маҳкамасининг бу ҳақдаги тегишли қарорига мувофиқ, 2018–2021 йилларда Сирдарё ИЭСи 6 та энергоблогини модернизация қилиш белгиланган.

Мулоқотда «Ўзбекэнерго» АЖ Бошқарув раиси Улуғбек Мустафоев барча соҳалар қатори электр энергия соҳасида ҳам Ўзбекистон ва Россия ўртасидаги ҳамкорлик изчил ривожланиб бораётганини эътироф этди. Жумладан, Ўзбекистон Республикаси Президентининг 2018 йил 23 октябрдаги «Электр энергетикаси тармоғини жадал ривожлантириш ва молиявий барқарорлигини таъминлаш чора-тадбирлари тўғрисида»ги ҳамда 2018 йил 3 ноябрдаги «Ўзбекистон Республикаси билан Россия Федерацияси ўртасидаги икки томонлама стратегик ҳамкорликни ва иттифоқчилик муносабатларини янада кенгайтириш чора-тадбирлари тўғрисида»ги қарорларига кўра, электр энергияси соҳасидаги лойиҳаларни ўз вақтида амалга оширилиши чора-тадбирлари назоратга олинган.

– Сирдарё ИЭСда 6 та энергоблок модернизация қилиниши эвазига уларнинг иш самарадорлигини ошириш, ҳар бир энергоблокнинг ўрнатилган қувватини 300 МВтдан 325 МВтга ва амалдаги қувваттларини 250 МВт.дан 325 МВтга кўпайтириш, ёқилғининг солиштирма сарфини ҳар бир кВт учун 35-40 гр.га камайтириш ва бунинг натижасида табиий газни тежаш кўзда тутилган, – дейди «Силовие машини» ОАЖ компанияси Бош директори Тимур Липанов. – Шу билан бир қаторда, модернизация қилинган энергоблокларнинг хизмат даврини камида яна 20 йилга оширишга эришилади.

Самарали кечган мулоқотда кўзда тутилган лойиҳалар ижросини қисқа муддатларда таъминлаш ҳамда ўзаро ҳамкорликни янада кенгайтиришнинг истиқболли йўналишлари муҳокама этилди.

«Ўзбекэнерго» АЖ Матбуот хизмати

Реклама ҳуқуқи асосида

Изоҳ
Асосий янгиликлар
Спорт
The Best совринига даъвогар дарвозабонлар якуний учлиги маълум бўлди
Дунё
Гранатомёт зарбидан омон қолган Грузия президенти Шеварднадзе, коммунистларга қарши ов бошлаган Маккарти ва ҳалокатга учраган “Ту-104”. Кун хронологиясида 9 феврал...
Маҳаллий
Ўзбекистонлик қутқарувчилар Туркияда яна икки кишининг ҳаётини сақлаб қолди