АҚШда мамлакатдаги энг кекса киши вафот этди

АҚШда мамлакатдаги энг кекса киши Иккинчи Жаҳон уруши иштирокчиси, 112 ёшли Ричард Овертон вафот этди, деб хабар берди «Корреспондент.net».

Эркакнинг вафот этганинин унинг оила аъзолари ҳам тасдиқлаган. Овертон аввалроқ пневмония билан касалхонага ётқизилган эди.

Ричард Овертон 1906 йилда туғилган ва Иккинчи Жаҳон уруши даврида уч йил армияда хизмат қилган. У уруш йилларини эслашни истамасди, «ҳаммасини седан чиқарганман» дерди.

2013 йилда у ҳеч қандай дориларни қабул қилмаслиги ва узоқ умр кўриши эса Худодан эканлигини айтиб ўтган.

Овертон ҳаётининг аксарият қисмини Техас штати Остин шаҳрида ўтказган.