GM Uzbekistan компанияси «Росстандарт»нинг Россияда 5219 дона Ravon Nexia R3 автомобили таъмир учун қайтариб олиниши ҳақидаги ахборотига расмий изоҳ берди, деб ёзади «Podrobno.uz».
Компаниядан маълум қилишларича, фақат Россияда сотилган ва фойдаланилаётган R3 моделлари қайтариб олинади.
«Чиқариш шлангининг жойидан қўзғалиш эҳтимоли Россия иқлими шароитларида қиш вақтидаги паст ҳароратда фойдаланиш хусусиятлари билан изоҳланади», — дейишди Ravon Motors Rus ваколатхонасида.
Аввалроқ машиналарда гидравлик суюқлик сизишига олиб келиши мумкин бўлган носозлик эҳтимоли аниқланган эди.
Транспорт воситаларида рул бошқаруви тизимидаги шлангга икки қўшимча хомут ўрнатилади. Барча таъмирлаш ишлари бепул амалга оширилади.
Изоҳ (0)