28 ноябрь, чоршанба куни футбол бўйича Европа Чемпионлар Лигаси гуруҳ босқичи 5-тури доирасида «Барселона» жамоаси сафарда «ПСВ Эйндховен» жамоасини 2:1 ҳисобида мағлуб этди.
Bellaшувда Лионель Месси ҳисобни очувчи голга муаллифлик қилди. Бу унинг Чемпионлар Лигаси гуруҳ босқичларидаги 66-ўйинидаги 66-голи сифатида тарихга кирди. Натижада у Криштиану Роналдуни ортда қолдирди.
Шунингдек, Месси бир клуб сафида Чемпионлар Лигасида гол уриш борасида ҳам Роналдудан ўзиб кетди. Месси «Барселона» сафида Чемпионлар Лигасида 128 та ўйин ўтказиб, 106 та гол уришга эришди.
Роналду эса «Реал» сафида 101 ўйин ўтказиб, 105 та гол киритишга муваффақ бўлганди. Аммо ҳамон мусобақа тарихидаги энг яхши тўпурар Криштиану Роналду бўлиб турибди. Португалиялик ҳисобида 121 та гол бор.
Изоҳ (0)