28 ноябрь, чоршанба куни футбол бўйича Европа Чемпионлар Лигаси 5-турида «Барселона» сафарда «ПСВ Эйндховен»ни 2:1 ҳисобида мағлуб этди.
Натижада Каталония клуби 1/8 финалга гуруҳда биринчи ўрин билан чиқадиган бўлди.
«Барселона» ҳисобида ҳозирда 13 очко мавжуд, «Тоттенҳэм» ва «Интер» эса 5-турдан кейин 7 очкодан жамғариб, 2 ва 3-ўринни банд этиб турибди. 6-турдаги натижадан қатъи назар «Барселона» 1-ўринда қолади.
Шу тариқа каталонияликлар Чемпионлар Лигаси тарихида 20 марта ўз гуруҳида ғолиб чиқди ва бу рекорд ҳисобланади. Ҳеч қайси жамоа шу вақтга қадар бундай кўрсаткич қайд эта олмаганди.
Изоҳ (0)