Ўзбекистон 2018 йил бошидан буён Россияга келган меҳнат муҳожирлари сони бўйича етакчилик қилмоқда. Бу ҳақида «Россия муҳожирлар федерацияси» маълумотларига таяниб, Spot хабар берди.
2018 йилнинг январь ойидан сентябрига қадар Ўзбекистондан Россияга 3 400 000 дан ортиқ киши келган. Шундан ишлаш мақсадида келганлари — 1 573 791 киши.
Иккинчи ўринда Тожикистон қайд этилди. Тўққиз ой давомида мамлакатдан 1 745 000 дан ортиқ фуқаро Россияга чиқиб кетган. Шундан 790 116 киши Россияга ишлаш учун борган.
Учинчи ўринни Украина (ишга жойлашиш учун Россияга 347 272 киши келган), тўртинчи ўринни Қирғизистон (247 658 киши) эгаллади.
Хабарга кўра, хорижлик фуқаролар ишлаш учун асосан Москвага келади. Йил бошидан буён Москвада 1 249 664 нафар мигрант рўйхатга олинган.
Шунингдек, Краснодар ўлкаси, Самара, Новосибирск, Ханти-Манси автоном округи, Краснояр ўлкаси, Татаристон ва Иркутск вилояти меҳнат мигрантлар кўп борадиган жойлардир.
Изоҳ (0)