18 октябрь куни Россиянинг «Новая газета» таҳририяти ўз журналисти Денис Коротковга таҳдид қилинаётгани билан боғлиқ билдиргини эълон қилди, деб ёзади TJournal.
17 октябрь куни таҳририятга мухбирнинг сурати ҳамда «Денис Коротков — Ватан хоини» деган ёзувли гулдаста жўнатишди. 18 октябрь, пайшанба куни эса «‘Новая газетаънинг бош муҳарририга. Сизга ва Коротковга салом билан» деган ёзув билан қўйнинг узилган калласини юборишди.
Нашр таҳририяти таҳдид кимдан ва қаердан бўлаётганини жуда яхши билгани боис, ушбу масала юзасидан ҳуқуқ-тартибот органларига шикоят қилишини маълум қилган.
Шунингдек, ўқувчиларни таҳдидлар асосланаётган «ошкора ёлғон»га ишонмасликка чақирмоқда.
Нашр жамоасининг фикрича, «Новая газета» «гўёки Сурияда жанг қилаётган россиялик учувчилар ҳақидаги маълумотларни ошкор қилган ва бу орқали уларнинг оилаларини хавф остига қўйган».
Нашр билдиргисида «Новая газета»да бундай мақола чоп этилмагани маълум қилинган. Бироқ таҳдидлар сабаби журналист Денис Коротковнинг Вагнер хусусий компанияси ҳақидаги журналистик суриштирув ўтказаётгани билан боғлиқ бўлиши мумкин.
Изоҳ (0)