Meizu компанияси 1 октябрдан бошлаб «Смартфон харид қил ва совғага SD-картани ол» акциясини бошламоқда.
Рақамли дунёнинг ўзига хос афзаллиги шундаки, унда фотографиялар саноқли нусхалар билан чекланмайди, исталган қўшиқни интернетдан тезда топиш ва юклаб олиш мумкин, қатор технологик имкониятлар доимо қўл остингизда! Бунинг учун эса шунчаки смартфондан фойдаланишнинг ўзи етарли, ахир у ҳозирги кунда бир нечта қурилмаларнинг ўрнини боса олади. Аммо «ҳар тўкисда бир кам бор» деганларидек, смартфон хотираси ҳар доим ҳам катта миқдордаги файлларни ўзида жойлаштириши қийин: бунга сабаб исталган ҳажмдаги медиани қурилмага ўтказиш ёки юклаб олиш учун қўшимча жой талаб этилади.
Шу боис бўлса керак «Бу фильмнинг ҳажми қанча?», «Бу ўйин менинг телефонимга сиғадими?», «Расмлар жуда оғирлашиб кетибдими?» деган саволлар қулоғимизга тез-тез чалиниб туради. Ва бу ерда гап килограмм ёки кубометр ҳақида эмас, балки қурилмада қолган бўш хотира тўғрисида эканлигини айни пайтда барча тушунади.
Смартфон сотиб олиш пайтида унга юкланадиганконтент ҳақида кўп ҳам ўйлаб ўтирмаймиз. Балки ҳозирча сизга минглаб расмлар сиғадиган хотира жойи керак эмасдир, аммо эртага унга бўлган эҳтиёжингиз ортиб бориши аниқ: чунки дўстлар ва танишлар билан албатта суратга тушиш керак бўлиб қолиши мумкин. Хуллас, ҳамма нарсага тайёр турган маъқул.
Meizu шундай ҳолатларни эътиборга олган ҳолда 2018 йил 1 октябрь санасидан бошлаб харид қилинган смартфонларга совға сифатида хотира картасини тақдим қилади!
М5s ва М6 моделлари учун — 16 ГБ сиғимли microSD карта;
М6 Note ва М6s моделлари учун — 32 ГБ сиғимли microSD карта.
Акцияда қатнашиш учун:
- Тошкент шаҳридаги савдо нуқталарида бир йиллик кафолатга эга бўлган Meizu М5s, М6, М6s ёки М6 Note моделларини харид қилиш;
- Харидни Meizu фирма дўконида рўйхатдан ўтказиш (манзил: Тошкент шаҳри, Кичик ҳалқа йўли, 57, Mercatо савдо маркази, биринчи қават, №6 дўкон);
- microSD картани қабул қилиб олиш керак бўлади.
Совғага ажратилган хотира карталарининг сони чегараланган, шунинг учун анчадан бери смартфон сотиб олишни режалаштириб юрган бўлсангиз, ҳозир бунинг айни вақти!
Смартфонларнинг қисқа техник параметрлари:
Meizu М5s — металл корпус билан ўралган 5,2-дюймли экран, 8-ядроли процессор (такт частотаси 8х1,3 GHz), 3 ГБ оператив хотира ва 16 ГБ ички хотира билан жиҳозланган. Камералар: асосий 13 МП (1920х1080) ва селфи камера 5 МП (1980х1080). Бу тезкор зарядлаш технологиясини қўллаб-қувватлайдиган энг арзон Meizu смартфони ҳисобланади.
Meizu М6 икки хил: 2 ГБ оператив ва 16 ГБ ички хотира, ҳамда 3 ГБ оператив ва 32 ГБ ички хотира версияларида тақдим этилади. Қолган хусусиятлари юқоридаги модель билан анча ўхшаш: 5,2-дюймли дисплей (аниқлиги 1280х720 пиксел), 8-ядроли процессор (4х1,5+4х1.0 GHz). 8 МП аниқликка эга бўлган фронтал камера ф/2.0 бирликдаги апертура ва ArcSoft суратларни таҳрирлаш алгоритми билан кучайтирилган.
Meizu М6 Note учта вариантда сотувга чиқарилган: 3-16ГБ, 3-32ГБ ва 4-64ГБ, бу ерда англайганингиздай биринчи рақам оператив хотира ҳажми, иккинчи рақам эса ички хотира сиғимини билдиради. Смартфон 1920х1080 пиксел аниқликдаги 5,5-дюймли дисплей, 8-ядроли Qualcomm процессори ( такт частотаси 2,0 ГГц), қўш асосий камера (12 МП рангли ва 5 МП монохром) ва битта олд (16 МП) камера, тезкор зарядланадиган сиғими 4000 мАs бўлган аккумуляторга эга.
Meizu М6s — 5,7-дюймли HD+ дисплей, металл корпусли янги дизайн, 3 ГБ оператив ва 32 ГБ ички хотира билан жиҳозланган. 16 МП аниқликдаги кучли асосий камера ва 8 МП аниқликдаги селфи камера сифатли кадрларни муҳрлашга имконият беради. Ён корпусда жойлашган янги бармоқ изи сканери, Super mBack ва mCharge технологиялари ушбу гаджетни харид қилган барчага ёқиши тайин!
Барча смартфонлар GSM операторларнинг 4G LTE стандартида ҳамда Perfectum MobileCDMA тармоғида ишлайди. Гаджетларга ишлаб чиқарувчи томонидан бир йиллик расмий кафолат хизмати кўрсатилади.
Meizu – барча учун, ҳар бир инсон учун, сен учун!
Бизнинг сайт: www.meizu.uz
Фирма дўкони ва сервис маркази: 71 200-01-88, 71 200-03-88
Реклама ҳуқуқи асосида
Изоҳ (0)