Бугун, 29 сентябрь санасида Испания Ла Лигасида 7-тур беллашувлари давом эттирилмоқда.
Хусусан, «Реал Сосьедад» меҳмони бўлган «Валенсия» Кевин Гамейронинг 36-дақиқада киритган голи сабаб ўз ҳисобига 3 очко ёзиб қўйди. Қайд этиш керак, бу «Валенсия»нинг Ла Лига янги мавсумидаги 1-ғалабаси. Жамоа бунгача 5 ўйинда дуранг ўйнаб, 1 беллашувда мағлубиятга учраганди.
Ўтган турда «Леганес»га мағлуб бўлган «Барселона» бу сафар ўз уйида «Атлетик Б»ни қабул қилди. Ўйинда ҳисобни 41-дақиқада меҳмонлар очди. Гол муаллифи Оскар де Маркос бўлди. Иккинчи бўлимнинг 84-дақиқасида эса Мунир «Барселона»нинг жавоб голини киритди. Натижада «Барселона» 2-турдан бери давом этиб келаётган ғалабасиз ўйинлар сериясини давом эттирди. Каталония клуби 5-турда «Жирона» билан дуранг ўйнаганди. Ўтган турда эса юқорида таъкидланганидек, аутсайдер «Леганес»га 1:2 ҳисобида мағлуб бўлганди.
Турнинг марказий ўйинида «Реал Мадрид» бугун Мадрид дербисида «Атлетико»га қарши кураш олиб боради. Баҳс 23:45 да бошланади.
Ла Лига
7-тур беллашувлари
28 сентябрь, жума
«Райо Вальекано»—«Эспаньол» 2:2
Голлар: 1:0—6 де Томас, 1:1—19 Борха, 1:2—45 Гранеро, 2:2—47 пенальти Какута.29 сентябрь, шанба
Изоҳ (0)