Бугун, 29 сентябрь санасида футбол бўйича Англия премьер-лигасида 7-тур учрашувлари бошланди.
Мазкур турни «Манчестер Юнайтед» «Вест Ҳэм»га қарши сафардаги ўйин билан очиб берди. Учрашувда мезбонлар Жозе Моуриньо шогирдлари устидан 3:1 ҳисобида устун келди. «Вест Ҳэм»нинг голлари Фелипе Андерсон, Виктор Линделёф (автогол) ҳамда Марко Арнаутович муаллифлик қилди. Манчестернинг жавоб голи эса ўйинга иккинчи бўлимда захирадан қўшилган Маркус Рэшфорд ҳисобига ёзилди. Қайд этиш жоиз, мазкур мағлубият Моуриньо шогирдлари учун ортда қолган 7 турдаги учинчисидир. Жамоа ҳисобида ҳозирда 10 очко мавжуд. «Вест Ҳэм» эса ўз очколари сонини 7 тага етказиб олди.
Бироздан сўнг тур доирасидаги 6 учрашув бошланади.
Англия премьер-лигаси
7-тур беллашувлари
29 сентябрь, шанба
«Вест Ҳэм»—«Манчестер Юнайтед» 3:1
Голлар: 1:0 – 5 Фелипе Андерсон, 2:0 – 43, автогол Линделёф, 2:1 – 71 Рэшфорд, 3:1 – 74 Арнаутович.«Вест Ҳэм»: Фабианьски, Диоп, Балбуэна, Масуаку, Райс, Фелипе Андерсон, Нобл, Ярмоленко (Снодграсс, 72), Обианг, Арнаутович (Антонио, 83), Сабалета.
«Манчестер Юнайтед»: Де Хеа, Смоллинг, Шоу, Янг, Линделёф (Рэшфорд, 57), Погба (Фред, 70), Матич, Феллайни, Мактомини, Марсьяль (Мата, 71), Лукаку.
Огоҳлантириш: Янг (78).
Изоҳ (0)