Тошкент вилоят ИИБ ЙҲХ бошқармаси томонидан тегишли ташкилотлар билан ҳамкорликда Ўзбекистон Республикаси Вазирлар Маҳкамасининг 2018 йил 19 май кунидаги 377-сонли «Ўзбекистон Республикаси Йўл хавфсизлигини таъминлаш тизимини янада такомиллаштириш чора-тадбирлари тўғрисидаги» қарори ижросини таъминлаш мақсадида амалга оширилаётган ишлар натижасида, жорий йилнинг ўтган даври мобайнида йўловчи ташиш фаолияти билан шуғулланувчи 376 та жамоат транспортига, шунингдек корхона ва ташкилотларга тегишли бўлган 187 та транспорт воситасига видеорегистратор ўрнатиш ишлари ташкил этилди. Бу ҳақда Тошкент вилояти ИИБ матбуот хизмати хабар бермоқда.
Ўтказилаётган тадбирлардан кўзланаётган асосий мақсад, автомобиль йўлларида жамоатчилик назоратини ўрнатиш билан бир қаторда, ҳайдовчиларни, ўз навбатида, салон ичида бўлган йўловчиларни огоҳликка чақирилишини таъминлашдир.
Хусусан, жорий йилнинг 28 сентябрь «Йўл ҳаракати хавфсизлиги тарғиботи куни»да ҳам вилоят ҳудудида йўловчи ташиш фаолияти билан шуғулланувчи юридик шахслар томонидан ўзларига тегишли бўлган 18 та жамоат транспортига видеорегистраторлар ўрнатилиши таъминланди.
Тошкент вилояти ИИБ ЙҲХ бошқармаси томонидан бу борада олиб борилаётган ишлар давом эттирилмоқда.
Изоҳ (0)