“Poytaxt yo‘llarida” ko‘rsatuvida Farangiz Rejametovaning o‘limiga sabab bo‘lgan YTH batafsil tahlil qilinadi

“Toshkent” telekanalining “Poytaxt yo‘llarida” ko‘rsatuvi yana efirga qaytmoqda. Bu haqda “Daryo”ga ko‘rsatuv muallifi Nigora To‘laboyeva ma’lum qildi.

20-avgust kuni soat 20:00 da tomoshabinlar e’tiboriga havola etiladigan ko‘rsatuv piyodalar ishtirokidagi yo‘l-transport hodisalariga bag‘ishlangan.

Jumladan, aktrisa Farangiz Rejametovaning o‘limiga sabab bo‘lgan YTH batafsil tahlil qilingan. Poytaxtning Qoraqamish dahasida ona-bolaning umriga zomin bo‘lgan hodisa harakat xavfsizligi ta’minlanmagani, piyodalar o‘tish yo‘lagi belgilanmagani oqibati ekanligi ko‘rsatib o‘tilgan.

Shuningdek, mazkur ko‘rsatuv orqali akasining avtomobilini olib qochgan uka sarguzashtlariga ham guvoh bo‘lishingiz mumkin.