Самарқанд вилоят ҳокимлигида кун давомида ишлайдиган қисқа 1177 рақамли ишонч телефони ишга туширилди. Бу ҳақда «Дарё» мухбири Фарҳод Норбўтаев хабар бермоқда.
Энди самарқандликлар вилоят ҳокимлигига алоқа алмашишнинг ушбу воситаси орқали барча масалалар бўйича мурожаат қилиши мумкин бўлади.
Аввалроқ Самарқанд вилоятида тадбиркорлик субъектлари томонидан дуч келинаётган муаммолар ва турли тўсиқларни тезкорлик билан ҳал этиш ҳамда тадбиркорларни қўллаб-қувватлаш мақсадида вилоят ҳокими Эркинжон Турдимов «Жума – тадбиркорлар куни» деб эълон қилган эди.
Ҳал этилмаган ҳар қандай муаммоли масалалар бўйича вилоят ҳокими вазифасини бажарувчи Эркинжон Турдимов жума кунлари учрашув ўтказишини билдириб ўтганди.
Изоҳ (0)