Россия президенти Владимир Путин Шавкат Мирзиёев билан телефон орқали мулоқотда бўлди. Бу ҳақда Кремль матбуот хизмати маълум қилди.
Путин суҳбат чоғида Ўзбекистон Президентини туғилган куни билан самимий табриклади.
Шавкат Мирзиёев Россияда футбол бўйича Жаҳон Чемпионати аъло даражада ўтказилганини қайд этди.
Россия президентининг жорий йил кузига мўлжалланган Ўзбекистонга давлат ташрифи контекстида икки томонлама ҳамкорликнинг долзарб масалалари муҳокама қилинди.
Шунингдек, минтақавий ва халқаро кун тартибининг айрим муҳим мавзулари ҳам кўриб чиқилди.
Маълумот учун, Ўзбекистон Президенти 24 июль куни 61 ёшга тўлди.
Изоҳ (0)