Ягона интерактив давлат хизматлари порталининг янги талқини ишга туширилди

Ягона интерактив давлат хизматлари порталининг янги «My2.gov.uz» талқини интернет тармоғида «My.gov.uz» манзили орқали тўлиқ фаолиятни бошлади. Бу ҳақда портал мутахассислари «Дарё»га хабар бермоқда.

ЙИДХП нинг аввалги талқинидан янги талқинига интерактив давлат хизматларини олиб ўтиш ишлари амалга оширилгани сабабли портал синов талқинда фаолият олиб келаётган эди. Шунингдек, ЙИДХП фойдаланувчилари учун порталнинг аввалги талқинига ўтиб ўзларини мурожаатларини топиш ёки давлат органлари томонидан жавоб қайтарилмаган мурoжаатларнинг ҳолати ҳақида маълумот олиш имкони яратилган.

Ягона интерактив давлат хизматлари порталида янги хизматлар ишга туширилди:

«Республика ҳудудида хусусий уй-жой борлиги (йўқлиги) тўғрисидаги маълумотни олиш». Ушбу хизмат Тошкент шаҳри худудида хусусий уй-жой борлиги (йўқлиги) тўғрисидаги маълумотни олиш имкониятини тақдим этади.

«Ипотека, бино ва иншоотлар, шунингдек ер участкасига бўлган ашёвий ҳуқуқлар ипотекаси тўғрисидаги шартномаларни давлат рўйхатидан ўтказиш» - хизматдан фойдаланувчининг тоифаси - жисмоний ва юридик шахслар.

«Қурилиш-монтаж ишларини амалга оширишга рухсатнома» - ушбу хизмат мулкчилик шаклидан ва молиялаштириш манбаларидан, шунингдек, қурилиш-монтаж ишлари олиб борилаётган ер участкаси майдонларидан қатъий назар, қурилиш-монтаж ишларининг барча турларига рухсатнома олиш имконини беради.