Австрия фуқароси Игорь Митчка Ўзбекистон халқ таълими вазирлигига маслаҳатчи сифатида беғараз ёрдам кўрсатади. Бу ҳақда «Газета.uz» хабар бермоқда.
Ел университети битирувчиси ҳисобланган Игорь Митчка мазкур олийгоҳни тамомлаган Халқ таълими вазири Шерзод Шерматовнинг университет битирувчилари тармоғи орқали йўллаган таклифига ижобий жавоб берди.
Игорь Митчка янги Таълимни ривожлантириш маркази концепциясини яратиш бўйича Халқ таълими вазирлиги ҳузуридаги махсус эксперт-таҳлил гуруҳида ишламоқда. Унинг олдига қўйилган вазифалар орасида мактаб битирувчилари замон талабларига тайёр бўлишлари учун таълимга янгича ёндашувларни жорий этишда хорижлик ҳамкорларни жалб этиш ҳам бор.
Мувафаққиятли карьера қилиш учун зарур бўладиган қуйидаги малакаларни ўқитишни такомиллаштириш имкониятлари ўрганиб чиқилмоқда: дастурлаш ва АКТ имкониятларидан фойдаланиш; тадбиркорлик кўникмалари ва музокаралар; мувафаққиятга эришиш учун ўқувчилар иштиёқини ошириш.
Игорь Митчка молия соҳасида халқаро тажрибага эга бўлиб, 2015—2017 йилларда АҚШнинг Goldman Sachs инвестицион банкида фаолият юритган.
Изоҳ (0)