Ирландиянинг Оокла компанияси Speedtest.net интернет-сервиси ҳар ойда анъанавий тарзда эълон қилинадиган Speedtest Global Index рейтингини тақдим қилди, деб ёзмоқда Spot.
Рейтингда дунё бўйлаб симли ва симсиз интернет тезлиги бўйича маълумотлар акс этади.
Мобил интернет тезлиги бўйича Ўзбекистон 124 та ўриндан 113-ўринни эгаллаган (8,95 Мбит/с).
Симли интернет тезлиги бўйича Ўзбекистон бу йили бир поғона юқорилади. Ҳозирда Ўзбекистон 133 та ўриндан 126-ўринни эгалламоқда (7,10 Мбит/с).
Мобил интернет тезлиги бўйича Қатар дунёда етакчилик қилмоқда (63,22 Мбит/с). Симли интернет тезлиги бўйича эса Сингапур ҳамон биринчиликни эгаллаб турибди (180,57 Мбит/с).
Изоҳ (0)