Ўзбекистон Бош вазирининг ўринбосари Танзила Норбоевадан сўнг Самарқанд вилоят хотин-қизлар қўмитаси ҳам Катттақўрғонда ИИБ ходими аёл кишини таҳқирлаганига муносабат билдирди.
«Самарқанд вилоятининг Каттақўрғон шаҳридаги воқеадан барчамиз афсусдамиз. Маънавият, илм-маърифат, маданият соҳаларида нафақат вилоят, балки Республикамизда ўзига хос ўрни ва мавқеига эга бўлган Каттақўрғон, унинг халқи, айниқса хотин-қизлари бундай муносабатга мутлақо лойиқ эмас эди.
Воқеа ҳар томонлама ўрганилмоқда, аёл билан эса шахсан суҳбат қурилди. У руҳан тушкунликка тушмаган, қонун устуворлигига ишонади.
Айни пайтда суриштирув ишлари олиб борилаётганлиги сабабли воқеа тафсилотларига батафсил тўхталмаймиз.
Аммо, шуниси аниқки, айбдорлар қонун доирасида ўз жазосини олади. Ҳали айби исботланмаган кишига, энг ёмони, хотин-қизга нисбатан қилинган бу хатти-ҳаракат миллатимиз шаънига доғ бўлиб тушди.Ушбу воқеа ўз ҳуқуқ ва манфаатларини ҳимоя қилишда нафақат хотин-қизлар ўртасида, балки жамиятимизда ҳали кўп ишлар амалга оширилиши кераклигини кўрсатиб берди», — дейилади қўмитанинг даги саҳифасида жойлаштирилган баёнотда.
Вилоят ҳокимининг ўринбосари, Самарқанд вилоят хотин-қизлар қўмитаси раиси «Воқеа юзасидан аниқ далиллар асосида муносабат билдирилиши»гаишонтирган. Қайд этиш жоизки, Ҳамротош Шодиева мазкур лавозимга тайинлангунга қадар Каттақўрғон шаҳар Халқ қабулхонаси мудири вазифасида ишлаган.
Изоҳ (0)