ЖЧ—2018. Чорак финалнинг яна бир жуфтлиги маълум: Бразилия—Бельгия

2 июль санасида футбол бўйича Россияда бўлиб ўтаётган Жаҳон Чемпионати нимчорак финали доирасида иккита ўйин бўлиб ўтди.

Куннинг дастлабки ўйинида Бразилия Мексикани 2:0 ҳисобида мағлуб этиб, чорак финалга йўл олди. Иккинчи ўйинда эса Бельгия терма жамоаси Япония устидан қийинчилик билан ғалаба қозонди. 3:2 ҳисобидаги ғалаба Бельгияни 1/4 финалда Бразилия билан рақиб бўлишини таъминлади.

Демак чорак финалнинг ҳозиргача маълум бўлиб улгурган жуфтликлари қуйидагича:

Уругвай—Франция учрашуви 6 июль куни Тошкент вақти билан 19:00 да, Бразилия—Бельгия ўйини ҳам худди шу куни 23:00 да,  Россия—Хорватия баҳси эса 7 июль 23:00 да бўлиб ўтади.