Бепуштликни даволаш, экстракорпорал уруғлантириш ва репродуктив эндокринологияга ихтисослашган туркиялик гинеколог шифокор Али Энвер Ўзбекистонга ташриф буюради. У Тошкент ва Самарқанддаги иккита клиникада бепул консультациялар ўтказади, деб хабар беради «Газета.uz» ташриф ташкилотчиси — Туркиянинг Remed Assistance компаниясига таяниб.
16—17 июль кунлари қабул Тошкентдаги Республика ихтисослашган акушерлик ва гинекология илмий-амалий тиббиёт марказида ҳамда Clinic Pro клиникасида бўлиб ўтади, 18—19 июль кунлари эса гуманитар консультациялар Самарқанддаги Happy Mama хусусий клиникасида давом этади.
Бундан ташқари, иккала шаҳарда ҳам Али Энвер ўзбекистонлик шифокорлар билан учрашиб, бепуштликни даволаш соҳасидаги тажрибаси билан бўлишади.
Али Энвер Курт Истанбул университетининг Жарроҳпошшо тиббиёт факультетини тамомлаган, қарийб 30 йилдан буён гинеколог шифокор бўлиб ишлайди.
Изоҳ (0)