Шавкат Мирзиёев: Olmazor City’га Ўзбекистондаги барча олма турларини экиш керак (видео)

Ўзбекистон Президенти Шавкат Мирзиёев Olmazor City’да олма дарахтларини кўпайтириш бўйича топшириқ берди. Бу ҳақда «Ўзбекистон» телеканалининг «Ахборот 24» дастурида маълум қилинди.

Хабар беришларича, Олмазор туманининг янги марказига айланадиган бу замонавий мавзеда етти қаватли, жами 2200 хонадондан иборат уйлар, оилавий поликлиника, 600 ўринли мактаб, 180 ўринли болалар боғчаси, 600 ўринли кўп қаватли автотураргоҳ, савдо ва кўнгилочар мажмуа, 50 ўринли замонавий меҳмонхона, бизнес-марказ бўлади.

Ҳамма ерида Ўзбекистонда мавжуд барча олма турлари кўчатлари эктириш керак. Olmazor City эканлиги олмаларидан бўлсин. Баҳорги, кузги, ёзги олмалар бўлсин. Шуни лойиҳага киритинглар. Дўконларининг ичида эса Туркиядагига ўхшаб, тувакнинг ичида олмалар бўлсин. Олмазор эканлигини билдиришингиз керак.

Шавкат Мирзиёев, Ўзбекистон Президенти