Бироз олдин футбол бўйича Россияда бўлиб ўтаётган Жаҳон Чемпионатининг сўнгги «G» гуруҳида ҳам 3-тур ўйинларига якун ясалди.
Мазкур гуруҳда деярли ҳамма нарса ҳал бўлиб улгурган эди. Яъни, Англия ва Бельгия муддатидан аввал кейинги босқичга чиққан. Фақат улар ўзаро баҳсда гуруҳ ғолиби номига аниқлик киритиб бериши лозим эди.
Учрашув тақдири иккинчи бўлимнинг 51-дақиқасида Аднан Янузай томонидан ҳал этилди. Унинг киритган голи ўйин охирига қадар ўзгармай қолди ва шу тариқа Бельгия гуруҳни пешқадам сифатида якунлади.
Гуруҳнинг қолган икки жамоаси — Панама ҳамда Тунис термалари эса шунчаки расмиятчилик учун майдонга чиққан ўйинда тунисликлар 2:1 ҳисобида ғалаба қозонди.
Жаҳон Чемпионати
«G» гуруҳи, 3-тур беллашувлари
28 июнь, пайшанба
Изоҳ (0)