Жиноят ишлари бўйича Самарқанд шаҳар судининг 2018 йил 25 июндаги ажримига мувофиқ қайнонасининг ўлимида айбланиб қўлга олинган Ш. А. Жиноят Кодексининг 97-моддаси 1-қисми билан айблов эълон қилиниб, унга нисбатан «қамоққа олиш» тарзидаги эҳтиёт чораси қўлланилди. Бу ҳақда «Дарё» мухбири Фарҳод Норбўтаев хабар бермоқда.
24 июнь куни Самарқанд шаҳрида бедарак йўқолиб қидирувда бўлган, Чилустун маҳалласида яшаган 76 ёшли аёл — Х.А.нинг жасади шу куни «Янгиобод» МФЙ ҳудудидан оқиб ўтувчи Сиёб каналидан турли жароҳатлар билан топилган эди.
Олиб борилган текшириш ишлари натижасида марҳума Х.А.нинг бирга яшовчи 36 ёшли келини Ш.А. шу йил 14 июнь куни уйида ўзаро жанжал оқибатида қайнонаси Х.А. танасининг турли жойларига пичоқ билан уриб, ўлдирганлигига иқрор бўлди.
У шундан сўнг жиноятни яшириш мақсадида пичоқ ва жасадни целлофан пакет ҳамда гиламга ўраб, яшаш уйининг ертўласига олиб тушиб сақлаб келган. 19 июнь куни эса Сиёб каналига ташлаб юборган.
Изоҳ (0)