Тошкент шаҳар ИИББ Мурод Хонтўраев қўлга олинганини тасдиқлади

Тошкент шаҳар ИИББ аралаш курашнинг оғир вазнли жангчиси Мурод Хонтўраев қўлга олинганини тасдиқлади. Бу ҳақда UzNews хабар бермоқда.

Мурод Хонтўраев ҳамда яна бир қатор шахслар 21 июнга ўтар кечаси Юнусобод туманидаги тунги клублардан бирида жамоат жойида юриш-туриш қоидаларини бузганлик, тартибсизлик қилгани учун ушланган.

Ҳозирда Мурод Хонтўраевга нисбатан Ўзбекистон Республикаси Жиноят кодексининг 277-моддаси (безорилик) тартибида жиноят иши қўзғатилган бўлиб, тергов ҳаракатлари олиб борилмоқда.