Жаҳон Чемпионати вақтида Россияда янги «Матч! Ультрa» телеканали ишга тушади, деб хабар беради «ТАСС».
Телеканал «Газпром-медиа Матч» ва «Ростелеком» компаниялари томонидан таъсис қилинади.
Янги телеканал суткасига 24 соат давомида футбол ўйинлари трансляциясини амалга оширади. Шунингдек, томошабинлар эътиборига муаллифлик кўрсатувлари ва турли ток-шоулар ҳам ҳавола қилиб борилади. Каналда рекламалар умуман бўлмайди ва у эксклюзивларни биринчи бўлиб намойиш этиш имтиёзига эга бўлади.
Телеканалда «Матч ТВ»нинг энг яхши шарҳловчилари ва бошловчилари иш олиб боради. Жаҳон Чемпионати вақтида телеканал «Матч планета» ўрнини эгаллайди ва 16 июлгача фаолият олиб боради.
Маълумот учун Жаҳон Чемпионати ўйинлари 14 июндан 15 июлга қадар Россиянинг 11 та шаҳридаги стадионларда бўлиб ўтади.
Изоҳ (0)