Фарзандининг дориларига пул топа олмаган қашқадарёлик оила яшаб турган уйини сотишга мажбур бўлди

Қашқадарё вилояти Чироқчи туманида истиқомат қилувчи Феруза Ҳайдарованинг 2006 йил 14 январь куни туғилган ўғли Шаҳзод Чориев жиддий дард билан олишмоқда. Унга ўткир промиелоситар лейкоз ташхиси қўйилган.

«2017 йил 26 августдан то 2018 йил 9 январга қадар Гематология ва қон қуйиш илмий текшириш институтидаги шифохонанинг болалар бўлимида даволанди. Аҳволи оғир ҳолда, танасида кўкаришлар, ҳолсиз, оёғида эса кучли оғриқ билан шифохонага ётқизилганди. Биринчи кимётерапия курсининг ўзидаёқ бир неча марта қон қуйишди, бир неча бор плазма қуйилди, 6 маротаба тромба қуйилди. Кимё терапиясини ҳафта давомида кетма-кет тарзда олган. Ҳозирги пайтгача 4 та курсни тугатиб, қўшимча қўллаб-қувватлови муолажаси даволаниш даврини ўтаяпмиз. Олдинда яна 2 йиллик даволаниш даври турибди.

Эндиликда эса ҳар 3 ойда Москвага PML-PAR анализи юбориш шарт бўляпти.

Ҳозирги пайтда Қарши шаҳрида жорий даво муолажаларини, курсларни давом эттирмоқдамиз. Биринчи курсига 50 миллион сўм атрофида маблағ сарфладик. Кейинги учта курсига эса дорилари қимматлиги сабаб яшаб турган уйимизни сотишга тўгри келди. Эндиликда биз туманимиздаги уйлардан бирида ижарада яшаяпмиз. Шифокорлар менга бошқа фарзанд кўришни тақиқлашган. Чунки бундан 11 йил аввал ўнг буйрагимни операция қилдирганман ва ҳозирда буйрагимга икки томонлама сурункали гидронефроз деб ташхис қўйилган.

Дорилар қимматлиги сабабли ҳамма дори-дармонларга, навбатдаги даволаниш муолажаларига, курсларини давом эттиришга қурбим етмаяпти. Яна бир мени қийнаётгани, ҳар уч ойда Москвага юбориладиган ташхис. Уни юборишга имкониятимиз етмай қолди», — дейди Шаҳзоднинг онаси.

Барча саховатпеша инсонлардан Шахзодбекни соғайиб кетиши учун имкон қадар ҳисса қўшишни сўраймиз!

Хайрия қилмоқчи бўлганлар учун керакли маълумотлар:

Пластик карта орқали:(Click, Payme) Феруза Ҳайдарованинг укаси Отабек Ҳайдаров

Агробанк: 8600-0423-6423-9185

Онаси Феруза Ҳайдарованинг телефон рақами:+99890 441 35 59