Халқаро валюта жамғармаси миссияси Ўзбекистонда иш бошлади

23 апрелдан 4 майга қадар Халқаро валюта жамғармаси Статистика департаменти Ўзбекистонда ишчи миссия ўтказади. Миссияга департамент реал сектор бўлими иқтисодиётчиси Леван Гогоберишвили бошчилик қилмоқда, деб хабар беради UzDaily.

Миссиянинг асосий мақсади Ўзбекистондаги миллий ҳисобларнинг бугунги аҳволи билан танишиш, унинг ишини янада такомиллаштириш бўйича ҳамкорликни йўлга қўйиш режасини тузиш, Давлат статистика қўмитаси масъул ходимлари учун ўқув машғулотларини ташкиллаштиришдир.

Бундан ташқари, миссия фаолияти вақтида вазирлик ва идоралар вакиллари билан учрашувлар ўтказилиши режалаштирилган.