21—22 март кунлари Қашқадарёнинг Шаҳрисабз шаҳрида Миллий либослар халқаро фестивали доирасида мода мавсуми ва «Etno Fashion»нинг очилиши бўлиб ўтди, деб хабар берди «Review.uz».
Фото: «Ўзтўқмачиликсаноат» уюшмаси
Фестивальнинг очилишига ташриф буюрган иштирокчиларни Қашқадарё вилояти ҳокими Зафар Рўзиев табриклади. У мода мавсумининг очилиши республика миллий мода саноатини ривожлантиришда биринчи қадам бўлганини ва келгуси йилдан у Халқаро фестивалга айланишини таъкидлади. Шунингдек, ҳоким мазкур фестиваль ҳар йили Наврўз байрами арафасида хорижлик дизайнерлар иштирокида нишонланишини қўшимча қилди.
«Ўзтўқимачиликсаноат» уюшмаси матбуот хизматининг маълум қилишича, «Etno Fashion» намойишлари Ўзбекистоннинг бошқа вилоятларида ҳам ўтказилади.
Тадбир Қашқадарё вилояти ҳокимлигининг «Шарқ либослари» дизайн маркази ҳамкорлиги асосида ташкил этилди.
Фото: «Ўзтўқмачиликсаноат» уюшмаси
Фестивальда Ўзбекистон ҳамда хориж мамлакатларининг ўндан ортиқ таниқли дизайнерлари иштирок этди. Дизайнерлар миллий матолар ва янгича анъанавий шаклларда яратилган ўз коллекцияларини намойиш этдилар.
Фото: «Ўзтўқмачиликсаноат» уюшмаси
