АҚШ Шимолий Корея билан муносабатларда катта прогрессга эриша олди, аммо иккала давлат Корея ярим оролини ядросизлантириш ҳақида битимга келмагунча, Пхеньянга қарши санкциялар сақланиб қолади, деб ёзади «РБК».
«КХДР етакчиси Ким Чен Ин шунчаки Шимолий Корея ядро дастурини музлатиб қўйиш эмас, балки ядросизланиш ҳақида гапирди», — деб ёзди АҚШ президенти Дональд Трамп ўз Twitter’ида.
Шунингдек, Ким Чен Ин Вашингтон билан музокаралар олиб борилаётган пайтда ракета синовларидан воз кечишга тайёр. «Биз катта прогрессга эришдик, аммо биз битимга келмагунимизча санкциялар сақланиб қолиши керак», — деди Трамп. У, шунингдек, Ким Чен Ин билан учрашув аллақачон режалаштирилаётганини қўшиб қўйди.
Эслатиб ўтамиз, КХДР етакчиси Ким Чен Ин Жанубий Корея делегацияси орқали АҚШ президенти Дональд Трампга яқин вақтлар ичида учрашув ўтказишни таклиф қилди. Трамп ушбу учрашувни шу йилнинг майигача ўтказишга тайёрлигини маълум қилди.
Изоҳ (0)