АҚШнинг демократлар партияси аъзо бўлган сенаторлар гуруҳи Россия президенти томонидан тақдим этилган янги қуролдан сўнг, мамлакат давлат котиби Рекс Тиллерсонга мурожаат қилиб, ундан Россия билан стратегик барқарорлик йўлида музокара бошлашни талаб қилди, деб хабар берди «Газета.ru».
«АҚШ ва Россия ўртасидаги стратегик диалог президент Владимир Путин томонидан 1 мартдаги нутқида бир нечта янги ядровий қуролларни тилга олинганидан сўнг, долзарб масалага айланди. Путиннинг маълум қилишича, Россияда қанотли ракета ва сув ости ядровий қуроллар яратилмоқда», — дейилади сенаторлар томонидан тайёрланган мактубда.
Мактубга Жефф Меркли, Дайан Файнстин, Эдвард Марки ҳамда бетараф сенатор Берни Сандерс имзо чеккан.
Эслатиб ўтамиз, Россия президенти Владимир Путин Федерал мажлисга мурожаат чоғида иккита янги жанговар ракетани намойиш этганди.
Изоҳ (0)