Бухоро шаҳрининг туризм салоҳиятини кенгайтириш ва қўшимча кўнгилочар машғулотлар турларини яратиш мақсадида давлат туризмни ривожлантириш қўмитаси «эркин рассомлар» кўчасини яратиш ташаббусини илгари сурди. Бу ҳақда қўмита матбуот хизмати хабар бермоқда.
Туризмни ривожлантириш қўмитаси Бухоро шаҳри маҳаллий ҳукумат вакиллари билан «эркин рассомлар» кўчасини ташкил этиладиган ҳудуд бўйича келишувга эришди. Шунингдек, маҳаллий рассомларнинг фикри ўрганилди. Бухоролик рассомлар мазкур лойиҳада фаол иштирок этишга розилик билдирди.
Рассомлар кўчасини яратиш тажрибаси етакчи хорижий туристик марказларда мавжуд. Шунингдек, бундай кўча Тошкент шаҳридаги Сайилгоҳ кўчасида ҳам фаолият юритади.
«Бундай кўчада ҳар қандай сайёҳ бажонидил сайр қилади. Улар суратларни томоша қилади, рассомларга суратини чиздиради ёки тайёр суратлардан бирини харид қилади», — дейилади хабарда.
Изоҳ (0)