Бир неча ҳафтадан сўнг MWC 2018 нинг тақдимотида Samsung Galaxy S9 смартфонини ўз кўзимиз билан кўришимиз мумкин. Ундан кейин яна нимани кутишимиз мумкин? Samsung келажак учун аллақачон жуда қизиқарли ишланмаларга эга эканлиги унинг янги патентида акс этади, деб ёзади «Hi-Tech.mail.ru».
Патент бутунлай ромсиз смартфонни тасвирлайди. Унда бармоқ изи сканери экран ичига ўрнатилган. Шунингдек, аризада қурилма экранига турли даражада босишдан фойдаланувчи (Apple 3D Touch муқобили) навигациянинг новаторлик усули тасвирлаб берилади.
Смартфон блокланган пайтда экраннинг марказий қуйи қисми бармоқ изи сканерига айланади. Уни қаттиқроқ босганингизда эса овозли ёрдамчи учун микрофонни фаоллаштирасиз. Янада қаттиқроқ босганингизда эса дастурларингиз рўйхати пайдо бўлади.
Смартфон интерфейси билан бошқа амалларда ҳам худди шу тамойил қўлланади.
Қизиқ, компания фронтал камерани қаерга жойлаштириш масаласини қандай ҳал этар экан?
Изоҳ (0)