Япониянинг NHK жамоатчилик телевидениеси раҳбари Рёити Уэда 2 февраль, жума куни компания аввалроқ КХДРда гўёки баллистик ракета учирилгани юзасидан янглиш умуммиллий тревога эълон қилгани учун расман узр сўради, деб ёзади «ТАСС».
«Халққа етказилган хавотир учун қаттиқ ачинамиз ва бундай ҳолат бошқа қайтарилмаслиги учун барча кучимизни ишга соламиз», — деди у.
Телеканал 16 январь куни хатолик туфайли тревога сигналини берди ва КХДРдан Японияга қарата баллистик ракета учирилганини маълум қилди. Шунингдек, NHK J-Alert ҳукумат шошилинч хабар бериш тизимига таяниб, аҳолини шошилинч эвакуацияга чақирди. Тревога беш дақиқадан кейингина бекор қилинди, бу эса Японияда ғазаб тўлқинини келтириб чиқарди.
Изоҳ (0)