Россия марказий сайлов комиссияси раиси Элла Памфилова президент Путиннинг матбуот котиби Дмитрий Песковга раҳбари фаолиятини баҳолагани ва шу тариқа уни тарғиб қилгани учун дакки берди. Бу ҳақда Meduza маълум қилди.
Памфилова Песковнинг қайси баёноти ҳақида гап кетаётганига аниқлик киритмади, фақат айтганлари 29 январь куни билдирган фикрларга тегишли эканлигини таъкидлади.
У сайлов кампанияси давомида мансабдорлар лавозимидан тарғибот учун фойдаланиш, жумладан, кимни мақбул кўришларини ифодалашга ҳаққи йўқлигини эслатди ва Песковдан бошқа бундай қилмасликни сўради.
Маълумот учун, Дмитрий Песков 29 январь куни журналистлар билан мулоқоти давомида Владимир Путин «жамоатчилик фикрининг мутлоқ етакчиси» эканлигини даъво қилганди.