30 январь куни соат 21:30 да Бўстонлиқ туман Ғазалкент шаҳрида яшовчи ёлланма ишчи 1981 йилда туғилган И.Н маст ҳолда шаръий турмуш ўртоғи Ангрен шаҳар Дукент қўрғонида яшовчи уй бекаси 1978 йилда туғилган О.Днинг уйига кириш эшигини бузиш йўли билан кириб, уни шу шаҳарда яшовчи 1980 йилда туғилган Р.А билан бирга кўради, деб хабар беради Тошкент вилояти ИИБ матбуот хизмати.
Шундан сўнг И.Н ва Р.А ўзаро жанжаллашиб қолиши оқибатида И.Н ошхона пичоғи билан О.Днинг танасига пичоқ билан уриб, унга тан жароҳати етказган.
Ангрен шаҳар марказий шифохонасининг хулосасига кўра, О.Дга санчилиб-кесилган тан жароҳати ва мастлик ҳолати ташхиси қўйилган.
Далилий ашё сифатида ошхона пичоғи ва О.Днинг қон доғлари бўлган кийимлари олиниб I.Н ИИБ ходимлари томонидан ушланган.
Ангрен шаҳар ИИБ ҳузуридаги Тергов бўлими томонидан Ўзбекистон Республикаси Жиноят Кодексининг 104-моддаси (Қасддан баданга оғир шикаст етказиш) 1-қисми билан жиноят иши қўзғатилган.
Изоҳ (0)