Франция чемпионатининг 22-турига келиб пешқадам «ПСЖ» мағлубият аламини тотиб кўрди. Лионда меҳмон бўлган Унаи Эмери жамоаси 1:2 ҳисобида имкониятни бой берди.
Бу парижликлар учун мавсумдаги иккинчи мағлубият бўлди. Бунга қадар клуб 2 декабрь куни «Страсбур» майдонида таслим бўлганди. Шундан кейин «ПСЖ» кетма-кет 5 та ўйинда зафар қучишга эришди. Лионда эса Депайнинг сўнгги сониялардаги голи мезбонларга 3 очко келтирди.
Беллашувда етакчи ҳимоячилардан бири Дани Алвеш қизил карточка олиб, майдондан чиқиб кетди. Неймар эса учрашувда иштирок этмади. Томонларнинг Парижда ўтган биринчи ўйинида «ПСЖ» 2:0 ҳисобида зафар қучган бўлиб, Эдинсон Кавани пенальтидан аниқ фойдалана олмаган, кейинчалик ўша учрашувдан кейин Неймар ва Кавани ўртасида муаммолар бошланганди.
Франция чемпионати 22-тур беллашувлари 19 январь, жума
«Кан» — «Марсель» 0:2
Голлар: Димитри Пайе, 55-пен (0:1). Флриан Товен, 74 (0:2).21 январь, якшанба
«Монако» — «Мец» 3:1
Голлар: Жорже, 46+ (1:0). Рашид Ғаззол, 67 (2:0). Ибраима Ньян, 72 (2:1). Рони Лопеш, 81 (3:1).Четлатиш: Эйдзи Кавасима, 50 (меҳмон).«Лион» — «ПСЖ» 2:1
Голлар: Набиль Фекир, 2 (1:0). Лейван Кюрзава, 49+ (1:1). Мемфис Депай, 94+ (2:1).Четлатиш: Даниэл Алвеш, 57 (П).
Изоҳ (0)