Ўзбекистон Президенти Шавкат Мирзиёев Қорақалпоғистон Республикаси Хўжайли туманида барпо этилаётган замонавий логистика марказида бўлгани ҳақида аввалроқ маълумот берилганди. Шавкат Мирзиёев марказда Panaev Farms фермер хўжалиги раҳбари Қутлимурат Панаев билан суҳбатлашди, деб хабар берди «KRuz.uz».
Суҳбат давомида Қутлимурат Панаев Германияда 11 йил давомида чорвачилик бўйича ишлаган доктор Алишер Қурбановни Қорақалпоғистонга қайтариб, унга барча имкониятларни яратиб бергани ва у бугунги кунда фермада менежер лавозимида ишлаётганини айтди.
Алишер Қурбанов яқинда ёш фермерлар учун ўқув-семинарини ўтказишни режалаштирмоқда.
Шавкат Мирзиёев Алишер Қурбановга Ўзбекистонга қайтиб ишлаётгани учун Captiva автомобилини совға қилди.
Изоҳ (0)