Фотогалерея: Дунёдаги энг кекса ҳукмдорлар

Зимбабведа 15 ноябрь куни ҳарбий тўнтариш юз берди ва мамлакатнинг 93 ёшли президенти Роберт Мугабе ҳокимиятдан четлатилди. У амалдаги давлат раҳбарлари орасида ёши энг каттаси ҳисобланар эди. Шу муносабат билан «Коммерсантъ» жаҳоннинг энг кекса етакчилари фотожамланмасини тақдим этди.

Роберт Мугабе, 93 ёшда, 1987 йилнинг 31 декабрида Зимбабве президентлиги лавозимини эгаллаган.

Елизавета II, 91 ёшда, 1952 йилнинг февраль ойида Буюк Британия қироллиги тахтига ўтирган.

Беджи Каид ас-Себси, 90 ёшда, 2014 йил 31 декабрда Тунис президенти сифатида иш бошлаган.

Ким Ён Нам, 89 ёшда, 1998 йил 5 сентябрдан буён КХДР Олий халқ мажлиси президиуми раиси ҳисобланади.

Сабоҳ ал-Аҳмад ал-Жобир ас-Сабоҳ, 88 ёшда, 2006 йил 24 январда Кувайт амири лавозимига киришган.

Филип Гривз, 86 ёшда, 2017 йил 1 июлда Барбадос генерал-губернатори лавозимини эгаллаган.

Раул Кастро, 86 ёшда, 2008 йил 24 февралда Куба Давлат кенгаши ва Вазирлар кенгаши раиси этиб тайинланган.

Маргерит Пиндлинг, 85 ёшда, 2014 йилнинг 8 июлида Багам оролларининг генерал-губернатори этиб тайинланган.

Колвилл Янг, 84 ёшда, 1993 йил 17 ноябрда Белиз генерал-губернатори этиб тайинланган.

Пол Бийя, 84 ёшда, 1982 йил 6 ноябрда Камерун президенти бўлган. 1985, 1988, 1992, 1997, 2004, 2007 ва 2011 йилда мамлакат президенти этиб сайланган.