Берлинда номаълум шахс автомобилни тротуардаги пиёдалар гуруҳи устига ҳайдашга ҳаракат қилди. Бунинг оқибатида ҳеч ким жароҳат олмаган, йўловчилар қочиб қолишга улгурган. Бу ҳақда Spiegel online нашрига таяниб, «ТАСС» хабар берди.
Германия полицияси гап ҳайдовчи ҳодиса жойидан қочиб кетган ЙТҲ ҳақида кетмоқда, деб ҳисобламоқда. «Дастлабки маълумотлар шуни кўрсатмоқда. Спекуляциялардан эҳтиёт бўлиш керак, ахир айни вақтда теракт содир этилиши ҳақида кўп гапирилмоқда», — деди Берлин сенатининг ички ишлар бўйича вакили Андреас Гайзель.
Нохуш ҳодиса 10 ноябрь кечаси пойтахтнинг Райниккендорф ҳудудида содир бўлган. Автомобиль тротуарга чиқиб кетиб у ерда турган мотоциклга урилган, шундан сўнг бошқа томонга бурилиб, кўздан ғойиб бўлган. Берлин ИИВнинг таъкидлашича, бу атайлаб қилинганми ёки ҳайдовчи эҳтиётсизлик туфайли йўлдан чиқиб кетганми ҳозирча номаълум.
Ҳуқуқ-тартибот ходимларининг аниқлашича, автомобиль марокашлик фуқаро томонидан ижарага олинган бўлган. Ҳозирда тергов ишлари давом этмоқда.