Футбол бўйича Англия Лига Кубогининг нимчорак финали доирасидан ўрин олган 6 та учрашув бўлиб ўтди. Яна икки ўйин бугун — 25 октябрь кунига тайин қилинган. Унда «Челси» ва «Тоттенҳэм» чорак финал сари ҳаракат қилади.
Хосеп Гвардиола бошқарувидаги «Сити» мавсум бошидан буён қаршисидан чиққан рақибни «савалаб» келаётганди. «Шаҳарликлар» сал қолса қуйи лиганинг «Вулверҳэмтон» клуби довонидан ўта олмаслиги мумкин эди. Учрашув пенальтилар сериясига қадар етиб борди. Меҳмонлар икки ноаниқ зарба берганидан сўнггина учрашув тақдири ҳал бўлди. Чили термасининг пенальтилар сериясидаги нажоткори Клаудио Браво, бу сафар «Сити»га ҳам омад келтирди.
«Арсенал» эса қўшимча дақиқаларда тўп суришга мажбур бўлди. Арсен Венгер Лондон клубини қабул қилиб олганидан 3 йил ўтиб дунёга келган футболчи — Эдвард Нкетиа «тўпчилар» жонига оро кирди.
Жозе Моуриньонинг «Юнайтед»и Уэльсда таваккал қилиб ўтирмади ва асосий вақтдаёқ масалани ҳал қила олди. Ўтган босқичда «Ливерпуль»га чиқиш эшикларини кўрсатиб қўйган «Лестер», бу сафар ҳам 2 та гол фарқи билан зафар қучиб, чорак финалга йўл олди.
Англия Лига Кубоги 1/8 финал босқичи 24 октябрь, сешанба
«Суонси» — «Манчестер Юнайтед» 0:2
Голлар: Жесси Лингард, 21 (0:1). Жесси Лингард, 59 (0:2).«Манчестер Сити» — «Вулверҳэмптон» 0:0. Пен — 3:1
«Арсенал» — «Норвич» 2:1
Голлар: Жош Мёрфи, 34 (0:1). Эдвард Нкетиа, 85 (1:1). Эдвард Нкетиа, 96 (2:1).«Лестер» — «Лидс» 3:1
Голлар: Пабло Эрнандес, 26 (0:1). Келечи Ихеаначо, 30 (1:1). Ислам Слимани, 71 (2:1). Риёд Маҳрез, 88 (3:1).«Борнмут» — «Мидлсбро» 3:1
Голлар: Жек Симпсон, 49 (1:0). Маркус Траверньер, 56 (1:1). Каллум Уилсон, 75-пен (2:1). Беник Афобе, 83 (3:1).«Бристол Сити» — «Кристал Пэлас» 4:1
Голлар: Бакари Сако, 21 (0:1). Мэтт Тейлор, 34 (1:1). Милан Журич, 39 (2:1). Жо Брайан, 60 (3:1). Каллум О’Доуда, 66 (4:1).25 октябрь, чоршанба«Тоттенҳэм» — «Вест Ҳэм»«Челси» — «Эвертон»
Изоҳ (0)