Мюнхеннинг «Бавария» клуби Карли Анчелоттини истеъфога чиқариб, унинг ўрнига Юпп Хайнкесни олиб келиши билан, жамоа ишлари юриша бошлади.
Бундеслиганинг навбатдаги турида «Бавария» футболчилари мавсумдаги энг йирик ғалабасини нишонлади ва рақиби постига 5 та жавобсиз гол уришга муваффақ бўлди. Бунга қадар клуб Анчелотти даврида асосий рақиблардан бири «Хоффенхайм»дан енгилган ва сўнгги икки турда 2 та дуранг қайд этганди.
Дортмунднинг «Боруссия» клуби эса мавсумдаги илк мағлубиятига имзо чекди. Ўтган мавсумни сенсацион равишда кумуш медаллар билан якунлаган «Лейпциг»ни қабул қилган дортмундлик футболчилар, 2:3 ҳисобида енгилди. Учрашувни бошқариб борган ҳакам ҳар икки клубнинг биттадан футболчисини майдондан четлатди ва ҳар икки клубга 1 тадан пенальти тепиш ҳуқуқини берди.
Хайнкес «Бавария»да иш бошлаганида ҳали дунёга келмаган Юлиан Нагельсманн бошқарадиган «Хоффенхайм» ўз уйида 2 очко бой бериб қўйди.
Германия Бундеслигаси 8-тур беллашувлари 14 октябрь, шанба
«Бавария» — «Фрайбург» 5:0
Голлар: Юлиан Шустер, 8-авт (1:0). Кингсли Коман, 42 (2:0). Тьяго Алькантара, 63 (3:0). Роберт Левандовски, 75 (4:0). Жошуа Киммих, 90+4 (5:0).«Хоффенхайм» — «Аугсбург» 2:2
Голлар: Бенжамин Хюбнер, 52 (1:0). Михаэль Грегорич, 75 (1:1). Марк Ут, 85 (2:1). Кевин Фогт, 90-авт (2:2).«Боруссия Дортмунд» — «Лейпциг» 2:3
Голлар: Пьер-Эмерик Обамеянг, 4 (1:0). Марсель Забитцер, 10 (1:1). Юсуф Поулсен, 25 (1:2). Жан-Кевин Огюстень, 49-пен (1:3). Пьер-Эмерик Обамеянг, 64-пен (2:3).Четлатишлар: Сократис Папастатапулос, 47 (Б). Штефан Ильзанкер, 56 (Л).
Изоҳ (0)