Фотогалерея: Самолётлар ҳақида кўпчилик билмаган қизиқарли маълумотлар

TravelAsk самолётлар ҳақида кўпчилик билмайдиган, бироқ парвозлар вақтида фойдаси тегиб қолиши мумкин бўлган маълумотларни тўплаб тақдим этди.

Парвозларнинг хавфсизлигига атмосфера чиқиндилари таъсир кўрсатади

Ҳаво таркибида углерод икки оксиди ортиб кетиши, турбулентликнинг содир бўлиш эҳтимоллиги оширади. Бу эса жиддий оқибатларга олиб келиши мумкин.

Сайёрамизда бутун бошли самолётни еб қўйган инсон яшаган

Самолёт шоколадли бўлмаган. Франциялик Мишель Лотито ноорганик буюмларни истеъмол қилиши билан танилган. Унинг энг катта ютуғи — Cessna 150 самолёти. Мишель ушбу самолётнинг ўриндиқлари-ю, резина ғилдиракларини қўшиб еб юборишга икки йил вақт сарфлаган.

Инглиз тили — парвозлар тили ҳисобланади

Инглиз тили авиапарвозлар тили ҳисобланади, шу сабабли халқаро рейсларда ишлайдиган экипаж аъзолари уни билишлари лозим.

Самолёт ойнаси неча пул туради

Boeing 747-400 самолётининг олд ойнаси BMW маркасидаги автомобилнинг нархига тенг. Boeing’нинг ўзи эса, тахминан, 250 миллион тўллар туради.

Учувчиларнинг ўз диэтаси мавжуд

Учувчилар бир вақтда ҳеч қачон бир хил овқат истеъмол қилмайди, бу тақиқланган. Бу орқали иккала учувчининг ҳам бир вақтда овқатдан заҳарланиш эҳтимоллигининг олди олинади.

Самолётлар учувчиларсиз ҳам парвоз қила олади

Замонавий технологиялар самолётларнинг учувчисиз ҳам учишини таъминлай олади. Бироқ йўловчи рейсларида бу амалиётдан фойдаланиш тақиқланган.

Энг узун ва энг кичкина самолёт

C-5’нинг узунлиги олти қаватли бинога тенг бўлиб, у энг узун ҳарбий самолёт дея эътироф этилган. Энг кичкина самолётнинг оғирлиги эса 162 килограмм. Бу BD-5 Micro.

Помидор соки парвоз вақтида ўз таъмини ўзгартиради

Тадқиқотларнинг кўрсатишича, помидор соки паст босимда янада ширинроққа айланади. Шу сабабли ушбу сокни унчалик хушламайдиган йўловчилар ҳам самолёт бортида уни ичишни маъқул кўради.

Энг хавфсиз жой

Самолётнинг энг хавфсиз жойи — унинг думи. Агарда фалокат юз бергудек бўлса, орқада ўтирган йўловчиларнинг омон қолиш эҳтимоллиги 40 фоизга ортади.

«Қора қути»

«Қора қути» аслида қути ҳам, қора ҳам эмас. Бу парвознинг барча параметрларини ёзиб олувчи қурилма. Унинг шакли шар ёки цилиндр кўринишида ишланади, бу эса ташқи босимга яхшироқ қаршилик кўрсатади.

Кислород ниқоблари

Аслини олганда кислород ниқоблари сизни узоқ муддатга қутқармайди. У 15 дақиқа давомида ёрдам беради, бу эса самолёт бемалол нафас олса бўладиган баландликдан пастга тушиши учун етарли эмас.

Самолётларда симоб ташиш мумкин эмас

Самолётга симоб олиб чиқиш тақиқланади. Унинг ҳатто жуда оз миқдори ҳам алюминийдан ишланган самолётга жуда катта хавф туғдиради.