Fotogalereya: Samolyotlar haqida ko‘pchilik bilmagan qiziqarli ma’lumotlar

TravelAsk samolyotlar haqida ko‘pchilik bilmaydigan, biroq parvozlar vaqtida foydasi tegib qolishi mumkin bo‘lgan ma’lumotlarni to‘plab taqdim etdi.

Parvozlarning xavfsizligiga atmosfera chiqindilari ta’sir ko‘rsatadi

Havo tarkibida uglerod ikki oksidi ortib ketishi, turbulentlikning sodir bo‘lish ehtimolligi oshiradi. Bu esa jiddiy oqibatlarga olib kelishi mumkin.

Sayyoramizda butun boshli samolyotni yeb qo‘ygan inson yashagan

Samolyot shokoladli bo‘lmagan. Fransiyalik Mishel Lotito noorganik buyumlarni iste’mol qilishi bilan tanilgan. Uning eng katta yutug‘i — Cessna 150 samolyoti. Mishel ushbu samolyotning o‘rindiqlari-yu, rezina g‘ildiraklarini qo‘shib yeb yuborishga ikki yil vaqt sarflagan.

Ingliz tili — parvozlar tili hisoblanadi

Ingliz tili aviaparvozlar tili hisoblanadi, shu sababli xalqaro reyslarda ishlaydigan ekipaj a’zolari uni bilishlari lozim.

Samolyot oynasi necha pul turadi

Boeing 747-400 samolyotining old oynasi BMW markasidagi avtomobilning narxiga teng. Boeing’ning o‘zi esa, taxminan, 250 million to‘llar turadi.

Uchuvchilarning o‘z dietasi mavjud

Uchuvchilar bir vaqtda hech qachon bir xil ovqat iste’mol qilmaydi, bu taqiqlangan. Bu orqali ikkala uchuvchining ham bir vaqtda ovqatdan zaharlanish ehtimolligining oldi olinadi.

Samolyotlar uchuvchilarsiz ham parvoz qila oladi

Zamonaviy texnologiyalar samolyotlarning uchuvchisiz ham uchishini ta’minlay oladi. Biroq yo‘lovchi reyslarida bu amaliyotdan foydalanish taqiqlangan.

Eng uzun va eng kichkina samolyot

C-5’ning uzunligi olti qavatli binoga teng bo‘lib, u eng uzun harbiy samolyot deya e’tirof etilgan. Eng kichkina samolyotning og‘irligi esa 162 kilogramm. Bu BD-5 Micro.

Pomidor soki parvoz vaqtida o‘z ta’mini o‘zgartiradi

Tadqiqotlarning ko‘rsatishicha, pomidor soki past bosimda yanada shirinroqqa aylanadi. Shu sababli ushbu sokni unchalik xushlamaydigan yo‘lovchilar ham samolyot bortida uni ichishni ma’qul ko‘radi.

Eng xavfsiz joy

Samolyotning eng xavfsiz joyi — uning dumi. Agarda falokat yuz bergudek bo‘lsa, orqada o‘tirgan yo‘lovchilarning omon qolish ehtimolligi 40 foizga ortadi.

“Qora quti”

“Qora quti” aslida quti ham, qora ham emas. Bu parvozning barcha parametrlarini yozib oluvchi qurilma. Uning shakli shar yoki silindr ko‘rinishida ishlanadi, bu esa tashqi bosimga yaxshiroq qarshilik ko‘rsatadi.

Kislorod niqoblari

Aslini olganda kislorod niqoblari sizni uzoq muddatga qutqarmaydi. U 15 daqiqa davomida yordam beradi, bu esa samolyot bemalol nafas olsa bo‘ladigan balandlikdan pastga tushishi uchun yetarli emas.

Samolyotlarda simob tashish mumkin emas

Samolyotga simob olib chiqish taqiqlanadi. Uning hatto juda oz miqdori ham alyuminiydan ishlangan samolyotga juda katta xavf tug‘diradi.