Вазирлар Маҳкамасининг 23.09.2017 йилдаги 753-сон «Мамлакат ижтимоий ҳаётида фаол иштирок этаётган ёш оилаларни уй-жой билан таъминлашда қўллаб-қувватлашга доир қўшимча чора-тадбирлар тўғрисида»ги қарори имзоланди, деб ёзади Norma.
Мамлакат ижтимоий ҳаётида фаол иштирок этиб, алоҳида намуна кўрсатаётган ёш оилаларнинг уй-жой ва маиший шароитларини янада яхшилаш мақсадида банклар қуйидаги шартларда узоқ муддатли имтиёзли ипотека кредитлари беради:
| Турар жойнинг тури ва жойлашуви | Ипотека кредити муддати | Дастлабки тўлов | Имтиёзли давр | Фоизлар |
| Шаҳарларда кўп квартирали арзон уй-жойлар қуриш ва реконструкция қилиш | 20 йил (имтиёзли давр билан бирга) | квартира қийматининг 25% и | 3 йил | дастлабки 5 йил мобайнида йиллик 7% миқдоридаги фоиз ставкаси билан ва кейинги даврда МБнинг қайта молиялаштириш ставкаси миқдорида
|
| Қишлоқ жойларда янгиланган намунавий лойиҳалар бўйича арзон уй-жойлар қуриш ва реконструкция қилиш | 15 йил (имтиёзли давр билан бирга) | 15% – икки, уч қаватли кўп квартирали (2 ва 3 хонали) уйлар ва 2, 3 хонали бир қаватли уйлар учун;
25% – икки қаватли 4 хонали бирлаштирилган уйлар учун
| 3 йил | дастлабки 5 йил мобайнида йиллик 7% миқдоридаги фоиз ставкаси билан ва кейинги даврда МБнинг қайта молиялаштириш ставкаси миқдорида |
- ипотека кредитларини олган ёш оилаларнинг кредитни тўлаш муддати давомида кейинчалик уни қайтариш шарти билан Ўзбекистон ёшлар иттифоқи маблағлари ҳисобидан уй-жой сотиб олиш учун дастлабки бадалларни тўлаш;
- ипотека кредити бўйича биринчи 5 йил ниҳоясига етгандан кейинги бутун муддат учун ҳисобланадиган фоизларнинг Ўзбекистон ёшлар иттифоқи маблағлари ҳисобидан МБнинг қайта молиялаштириш ставкасининг 50 фоизи миқдорида тўлаш.
- Иқтисодиёт вазирлиги ва Молия вазирлигига Ўзбекистон ёшлар иттифоқи билан келишган ҳолда, уй-жой сотиб олиш учун ипотека кредитлари бўйича қўшимча имтиёзлар бериладиган, Мамлакат ижтимоий ҳаётида фаол иштирок этиб, алоҳида намуна кўрсатаётган ёш оилаларни танлаш тартиби тўғрисидаги низомни бир ой муддатда ишлаб чиқиш ҳамда тасдиқлаш.
- Ўзбекистон ёшлар иттифоқига Ахборот технологиялари ва коммуникацияларини ривожлантириш вазирлиги ҳамда бошқа дахлдор вазирликлар ва идоралар билан биргаликда, юқорида айтиб ўтилган уй-жойларни тақсимлашнинг шаффофлигини таъминлайдиган электрон тизимни 2018 йилнинг 1 январигача бўлган муддатда ишлаб чиқиш ва жорий қилиш.
Ҳужжат Қонун ҳужжатлари маълумотлари миллий базасида эълон қилинди ва 4.10.2017 йилда кучга кирди.
Изоҳ (0)