Президент Шавкат Мирзиёевнинг таклифига биноан давлат ташрифи билан Ўзбекистонда бўлган Қирғизистон президенти Алмазбек Атамбоев 6 октябрь куни Қирғизистонга жўнаб кетди. ЎзАнинг хабар беришича, меҳмонни Тошкент аэропортида Ўзбекистон Президенти Шавкат Мирзиёев кузатиб қўйди.
Аввал хабар қилинганидек, ташрифнинг асосий тадбирлари 5 октябрь куни бўлиб ўтди. Алмазбек Атамбоев Шавкат Мирзиёев ҳамроҳлигида Мустақиллик майдонига ташриф буюрди. Президентлар «Ўзэкспомарказ»да ташкил этилган Ўзбекистон ва Қирғизистон миллий маҳсулотлари кўргазмаси билан танишди.
Кўксарой қароргоҳида бўлиб ўтган музокараларда Ўзбекистон ва Қирғизистон ўртасидаги савдо-иқтисодий, инвестициявий ҳамкорликни янада ривожлантириш, транспорт-коммуникация, энергетика, қишлоқ хўжалиги, маданий-гуманитар ва бошқа соҳалардаги алоқаларни янада мустаҳкамлаш масалалари муҳокама қилинди, қатор ҳужжатлар имзоланди.
Изоҳ (0)