Жанубий Корея прокуратураси мамлакатнинг собиқ президенти Пак Кин Хе ҳибсда сақлаб турилиши муддатини узайтиришни сўраб, судга мурожаат қилди. Бу ҳақда муассаса 26 сентябрь, сешанба куни тарқатган баёнотда маълум қилинди, дея хабар беради «ТАСС».
Ярим йилга берилган аввалги ҳибс учун ордер муддати 16 октябрда якунига етади. Прокуратура ўз сўровини ажратилган вақт мобайнида коррупция ва ҳокимиятни суиистеъмол қилиш иши бўйича барча гувоҳларни сўроқ қилишга улгурмаётгани билан изоҳлади.
«Айбланувчи барча айбларни рад этаётгани сабабли далил-исботларни ўрганишда давом этиш зарур», — дейилади ҳужжатда.
Эслатиб ўтамиз, Жанубий Кореянинг собиқ президенти Пак Кин Хе шу йил 31 март куни қамоққа олинган ва тергов ҳибсхонасига жойлаштирилганди.
Изоҳ (0)