Бажарилган машқлар учун мижозларга пул тўлашни ваъда қилган фитнес-стартап салкам миллион доллар қарзга ботди

21 сентябрь куни АҚШ Федерал савдо комиссияси Past фитнес-дастури яратувчилари истеъмолчиларнинг ҳуқуқларини бузганлиги ва «ёлғон ваъда бергани» учун мижозларига 948 788 доллар тўлаши лозимлигини маълум қилди. Cтартап фойдаланувчиларни пул эвазига машқ бажаришга ундаган, бироқ улар ўз мукофотларини қўлга киритмаган, деб хабар берди TJournal.

Past (собиқ GymPast) 2014 йилда ишга туширилган. Дастурчилар мижозларга ҳар кунлик машқларни бажарганликлари учун пул таклиф қилган: залга бориш, диэтага риоя қилиш ёки эрталаб югуриш. Шунингдек, фойдаланувчиларга нисбатан машғулотлардан ўта олмаса жарима белгиланган — 5 доллардан 50 долларгача. Ҳафта якунига кўра, улар пул олишлари ёки беришлари лозим эди.

Дастур яратувчиларининг фойдаланувчилар бориши мумкин бўлган АҚШдаги бир неча минг спорт заллари билан битим тузган. Past мижозлар алдамасликлари учун GPS’ни машғулот вақтида ёқиб қўйишни сўраган.

2017 йилнинг июлида компания асосчилари «узоқ давом этган мунозаралардан кейин» дастурнинг ёпилишини маълум қилган. Ушбу хабардан сўнг, Reddit фойдаланувчилари «бироз бўлса-да пул ишлаб олиш» мақсадида ҳар кунги машғулотларда қатнашганликларини айтишган. Past фойдаланувчиларидан бирининг сўзларига кўра, у икки йил давомида 400 машғулотни бажариб деярли 150 доллар ишлаган.

Бироқ кўпчиликка мукофотлар берилмаган, аммо шу билан бирга «жарима»лар ечиб олинган. Федерал савдо комиссиянинг баёнотида таъкидланишича, фойдаланувчилар Past обунасидан чиқишга ҳаракат қилган, бироқ пул ечиб олиниши давом этган. Ушбу муаммо ҳақида «ўн минглаб мижозлар» эътироз билдирганига қарамай, дастурчилар Past’ни тарқатишни давом этаверган.

Past вакиллари фойдаланувчиларга деярли 940 минг долларни бир неча ой давомида тўлаб беришга рози бўлди. Суднинг Past 1,5 миллион доллардан ортиқ пул тўлаши лозимлиги ҳақида чиқарган қарори тўхтатилди, чунки компания бунча маблағ мавжуд эмас.